Produtos

A orixe: cociña tradicional galega

Existe un tópico, moi estendido, que mostra ao noso País como un paraíso gastronómico, de mariscos, abundantes e baratos, fresquísimos peixes e, en xeral, materias primas dunha calidade absoluta, até chegar a dicir que a nosa é unha cociña moi elemental, fervidos, ferros e pouco máis, para non enmascarar os sabores de tan extraordinarias materias primas. Evidentemente este tópico ten a súa parte de verdade, aínda que seria simplificar demasiado unha gastronomía, a galega, que é o froito dunha gran diversidade xeográfica e de séculos de historia na que pasaron diferentes culturas, achegando cada unha delas as súas particularidades.

As materias primas

Dun dos mares máis produtivos do planeta e dunha terra que aínda conserva unha calidade ecolóxica fabulosa saen os produtos Benboa.

Os produtos do mar

Galicia e a pesca están unidas desde hai séculos, desde os romanos, que converteron a pesca nunha importante actividade económica da que quedan aínda hoxe restos arqueolóxicos como as salinas, pasando pola chegada dos primeiros industriais cataláns que fixeron prosperar as fábricas de salgadura primeiro e de conservas en aceite despois e, finalmente a industria do conxelado na que Galicia é pioneira.

Da terra galega

Procedentes de pequenas e medianas explotacións, moitas de cultivo agroecolóxico, os produtos que agroman da vizosa terra das galegas e dos galegos manteñen unhas características de calidade moi difíciles de atopar noutros recunchos de Europa.

Os nosos pratos Preparados Refrixerados

Como galegos e galegas, somos conscientes do prestixio e a boa imaxe da nosa gastronomía, coa súa calidade e variedade en preparacións e materias primas, valoradas moi positivamente e asociadas exclusivamente á nosa terra, ademais da percepción desta como saudábel e natural, con importantes estudos nos últimos anos e até coa recente creación da Fundación "Dieta Atlántica".

Características dos nosos pratos preparados

Pratos imaxinativos, cos mellores produtos de Galicia, doados de preparar e con características nutritivas inmellorábeis.

A Dieta Atlántica

É evidente que a dieta Mediterránea é moito máis coñecida que a Atlántica, debido a que foi moito máis estudada e analizada, sendo innegábeis ademais os seus valores positivos desde o punto de vista nutricional e médico. En todo caso cada vez hai máis datos sobre a Dieta Atlántica que demostran que esta non só ten uns efectos nutricionais iguais aos da Mediterranea, senón que é ata máis beneficiosa.

A calidade dos nosos pratos preparados

Benboa dispón de procedementos que garanten a trazabilidade dos seus produtos, desde a recepción das súas materias primas até a expedición aos seus clientes.

Investigación e desenvolvemento

Benboa presta especial atención e agarimo á investigación e ao desenvolvemento de novos produtos.

Benboa

A túa tenda