Benboa presta especial atención e agarimo á investigación e ao desenvolvemento de novos produtos.
Benboa colabora nun proxecto de investigación co Departamento de Bioloxía Funcional e Ciencias da Saúde da Universidade de Vigo.
Así, durante os estudos previos de deseño dos diferentes pratos avalíanse os efectos dos distintos parámetros (temperatura, presión, tempo de cocción) na calidade final do produto. Sabemos que o tratamento térmico acelera a velocidade das reaccións químicas, afectando sobre todo aos elementos (Vitamina C, B6 ou B12, minerais, etc.) con velocidades de degradación maiores a altas temperaturas. Ao mesmo tempo inflúe na aparencia, provocando perdas de peso, de cor, de forma, de firmeza, etc.
Por todo iso búscanse tratamentos térmicos o máis suaves posíbeis de forma que se manteña a textura e as características organolépticas e minimícese a perda de nutrientes solúbeis. Todo iso verifícase con exhaustivos estudos de valores nutricionais dos nosos pratos preparados.
Anacos de polbo guisados nunha salsa tradicional de verduras, caldo do propio polbo e pemento doce, acompañados de patacas. 
Receita tradicional de arroz con zamburiñas e lagostinos. 
Anacos de xarrete de tenreira galega acompañados de patacas, cebola, xudia plana e cenoria, cociñados con prebe de carne ao mencía. 
